文章上個星期收到「流量達到 80%」的自動警告電郵，查看一下，原來 5GB 的流量就來到頂了。接觸過寄存公司後，臨時加了 1GB 的流量以解燃眉之急，即 6GB。而今天計，seezone.net 的總流量是 5.1GB，而小 Blog 則佔了 3.8GB，即 74% 左右，只剩下幾天就過四月了，不知道撐不撐到呢？
以下是三月重開 Blog 以來的訪客統計：
可見於四月中開始，瀏覽提高到超過 1200 hits/day，應該是因為「引文」事件。而在近幾日，也有持續上升之勢，這應該是 Sidekick 和 吳教授 的連結關係。根據實際流量，最近幾天都是 170-180MB 左右，假設這個數不變的話，剩下七天 180*7 = 1260MB。現在都 5.1GB 了，所以很可能在最後幾天「爆煲」，大家來不到的話不要奇怪。現在正考慮要不要為流量加碼。
事實上，如果想知道真的有多少人看過你的文章，除了看直接掛在網站的統計外，也應該算算 RSS 的流量。因為 RSS Feed，讀者可以只在 RSS Reader 看你文章的內容，而不用到你的網站。當中放全文 Feed 的話，讀者可能在 RSS Reader 已經完成閱讀，不用到你的網站。而非全文 Feed 的話，則會成為刺激你網站流量的一種「廣告」。我是放全文 Feed 的， Feedburner 計算大概每天有 800 的訂閱人數。也因為全文 Feed 和 Feedburner 代理 RSS 的關係，事實上是減輕站本身的流量。
上一次都曾經遇過 流量「爆煲」 事件，而出現「Bandwidth exceeds limit」，那時因為 寄存公司沒有相應的升級流量計劃，所以免費幫我們加了。本應可以就這樣子繼續，可是因為死硬碟的事故，戶口又重新設定回到 5GB 了，現在可能真的要付錢加碼了。
自上次「爆煲」之後，我已經將一些東西都「外包」了：使用 Feedburner 代理 RSS，使用 Flickr 放圖片。基本上，這個 Blog 就只是輸出文字而已，流量上也舒緩了一些。不過，因為網摘的關係，又多了人在搜尋器使用搜中關鍵字到這裏來。
無論如何，謝謝大家的支持！多人看多交流是件好事。流量問題就再看這幾天如何了。
又關我事?
咁, 即係你一個月要用幾多錢左右呀? (我八卦)
在我所知的香港blog, 你係rss suscriber多過我o既人啦!
我估jansen都唔少, 不過佢冇將d feed 歸於一個.
另, 你應該好似jansen咁, 呼籲大家用某d rss reader(例如bloglines)去睇你個blog, 而唔好用類似firefox live bookmark o個類東東, 因為雖然都係rss, 但每睇一次就扯一次, 對流量不利云云…
唔… 咁恭唔恭喜你好? :p
的確見到多左 referer 來自你同吳教授的網站。
我個 host 好平o既~~ 所以重可以加碼! 睇需要啦。
其實用左 feedburner ，佢睇一次址一次都係 feedburner ，已經 buffer 左~
是了，最近我bloglines 你的留言feed 都亂碼了。
Wooo~~~Jacky 很強~~好彩你冇起sina 申請account ,如果唔係推薦文章俾你霸晒XDDD
其實6GB流量以Blog o黎講係很可怕……
6GB 流量可只可怕
而且係一個已經咁少 style, artwork 的 blog 都有近 4GB….
sidekick前輩實在高估了小弟的blog。在此謝過。
我的blog這兩個月都不過是4GB的流量，而且更沒有用feedburner等好東西，所以實質流量其實不多。而且最喜歡我的blog的人大概是spammer，所以打了折扣，得番唔係好多。
錢方面，我其實都係wayhorn仗義相助，平平地半借半租咁俾我用佢台server，仲加埋免費的support！
Jansen 才是前輩啦, 你寫blog 時我都唔知o向邊…
我o個邊最近spammer 都唔係太猖狂, 最高峰時, 一日一千… 發神經~
我個server 都係朋友豪俾我, 而我, 係唔知流量係幾多o架~
所以成日都想八卦o下, 差唔多流量o既朋友, 每個月要俾幾多錢o向server 上~
單單只是這個 Blog 沒有 6GB 那麼多，大概是 3.8GB，但其他的 blog/網站也有流量嘛…
留言 Feed 好像是出 excerpt 時有 UTF8 掉字的問題，暫時未知怎解決~ 尋找中。
至於錢方面，現在一個月不過 $50
有沒有考慮用無限流量的網存呢？
我因為使用無限流量，所以一直沒有想過流量的問題…
"當然有想過啦，不過剛附了一年的錢，新 Blog 又運作不久，不想再大搞「搬屋」之事了
to思考:
無限流量網存也有條件限制.
當你網站流量不成比例地俾其他同計劃用戶為高, 網存商可以以「違反條款」為理由去停用網存帳戶. 所以, 都係先訂明限制, 訂明準則會較為好一些, 渦少無故犯規的機會.