文章

音樂下載庫？

在 HKBloggersGroup 看到 豬欄 引了一單新聞，是關於音樂下載的，但並不是消極的起訴報導：

團體設音樂下載庫以宣傳知識產權

【orisun.com專訊】由九個創意工業團體組成的香港數碼內容聯盟，發現有三至四成的網上博客日誌(Blog)，採用未經授權的音樂及圖片背景，不尊重知識產權，該聯盟將動用五百萬元在今年內成立一個網上中央資料庫，寄存多首歌曲、相片及動畫等，讓博客及個人網頁的製作人，登上該資料庫合法下載有關歌曲及圖片，藉此向青少年宣傳知識產權。

現在業界對於網絡下載，只有消極的打壓活動，而這麼一個「音樂下載庫」概念，正如 Sidekick 的回應「起碼有d郁動，唔會一池死水」，是很好的第一步。

不過，就這麼一個報導，沒有其他資料，所以也很難估計這是什麼葫蘆賣什麼藥，腦中問題一大堆：提供的內容，是免費還是要收費？其營運模式又是怎樣？是試聽小片段還是全首？有沒有插入式廣告？下載了的人對檔案有沒有擁有權？可不可以備份？有沒有 DRM？可不可以再分發？

而這個下載庫背後的理念是什麼？是如文中所說「藉此向青少年宣傳知識產權」，還是求財而已？香港現在不是沒有合法下載網站，但因為種種技術問題如付款方法、下載格式等等，總是流行不起來。如果想做突破，也許就要像 YouTube 一樣，可以讓用家上載內容，而本身只是一個平台，但卻難免會對現在版權法例踩界。

想進一步想，如果這個下載庫，有完善的版權、收費基制，可以讓個人發佈內容後，簡單地搞定版權問題，並建立收費渠道，成為推動個人創作的交流平台，則比起單單只是一個官方樣式的下載網，就更功德無量了。

幻想完畢，老土地說句：我們還是走著瞧吧！

P.S. 究竟「香港數碼內容聯盟」的背景如何？九個創意工業團體是誰？網上以乎並找不到太多資料，看來是相當新的組織？是由政府所推動的？

Similar

Same day

  1. 2017: 強韌網頁設計—第四章：語言
  2. 2016: 開卷筆記—打敗基因決定論
  3. 2011: 設定 Firefox Aurora 相容性
  4. 2010: 野火廿五年
  5. 2005: 20050927網摘 – Blog的比喻
  6. 2005: 談 Trackback
  7. 2004: 3.6GHz 超到 6GHz

回應

  5. 咁而家知多少少大概係點, 邊九間啦~

    頭先去網站睇, 見到佢有d 片(關於知識產權o既api 之類), 一click 就要人download, 原來都成6m 起碼~
    個format 唔知係乜, 用media player 就要人再download d唔知乜, 後來又有個popup windows 要人輸入e-mail add 去獲得"播放o既授權", 入o左又submit 唔到~

    o向網站, 見到佢叫人download 一舊 iRC media player, 冇任何資料介紹, 淨係叫你下載~ 好黐線….

    我只不過想睇o下你條片o者? 又要搞呢樣, 又要搞o個樣, 唔係趕客又係乜?
    你不如將d 片convert 做flash, 淨係俾人睇咪得囉~
    我唔恨download d 片o架~
    你o地搞到"尊重知識產權"原來要咁辛苦(要裝咁多o野), 咁不明不白(咩係 iRC media player? 安全的嗎?), 門檻咁高, 係咪其實想趕客呢?

  6. 看來，如果這個下載庫也是這樣 (其實一定是這樣，看那九個團體就知了)，「教育」看來都是徒然…

  8. 香港的商家及政府都一直大支宣傳全面保護版權，但卻提也不提 Fair Use，實在氣人。

    要知道，保護創作人及版權持有人是重要，但保護公眾權利也是重要。

    在之前的講座裏，知識產權處大大聲地說他們的成立就是為了保護產權，所以作品的分享不在他們的工作範圍。如此說，香港則是「名正言順」的單方面保護版權了。我們何時會有「保護公眾權利處」呢？

  10. 子揚, 我登記o左做會員喎~
    佢o地話咩做o左會員可以借佢o地地方用嘛,
    咁我o地咪借佢o地地方開o下會,
    研究o下佢o地搞乜o野囉~~~
    聽講有得組團參考, 有專人帶我o地去認識佢o地講緊o既"知識產權"呀,
    係咪好吸引呢?
    不如我o地組團去玩咯? o

  11. 先更正：
    聽講有得組團參考＜－參觀

    另，
    “知識產權處大大聲地說他們的成立就是為了保護產權，所以作品的分享不在他們的工作範圍。”
    ＜－咁都得？係咪堅o架？如果有此事o既記錄就好lu~
    呢句話太有份量喇!

  13. 不如十二月我返黎既時候約上去啦！之後去唱K!!

    我地咁多關心事態發展既blogger同podcaster上去一定會好好玩:P

  14. 如果個地方係靜靜地，借黎錄下 podcast 都唔錯喎~~
    (最近聽左幾集 blogger cafe，但係都聽得出係o係真 cafe 錄，好勁雜音~)

  15. 好o丫~ 上去錄podcast o丫~ o
    我覺得用o黎搞o下聚會, 互相交流, 甚至教o下d 冇咁熟blogging 同podcasting o既朋友d 入門技術都好唔錯o架~ :)

*